Itzuli

Basque. Playlist. #6 - Merina Gris

2023 Abu 07

Merina Gris 2020 urtean Donostian sorturiko musika taldea da. Sara, Julen eta Paskalek osaturiko taldeak, pop musika sortzen du, sintetizadore efektu indartsuz lagunduta. Maila lirikoan, gaur egungo gure gizartean norbera izateko barne-borrokari buruz hausnartzen du taldeak.  

Estetikoki zaindutako eszenaratzea dute, ikus-entzunezkoa beren artista imajinarioaren parte baita. Haien nortasuna maskaren azpian ezkutatzen dute, edukiari merezi duen garrantzia emateko eta entzuleari entzutea baldintzatuko dion aurreiritzirik eraikitzen ez uzteko.  

Taldeak 2022ko urrian egin zuen debuta ‘Besteek Zer’ singlearekin. Lan horrekin euskal eszenan sartu ziren, eta ondorengo ‘Saiatzen Naiz’, ‘90’, ‘Ez Gelditu Azalean’ eta ‘Ardi Latxen Herrian’ kantetarako bidea markatu zuen – Cris Lizarraga Belako abeslariarekin batera –. Pop abesti bortitzak dira, eta abangoardia eta nostalgia  transmititzen dute,. Taldea estatu mailan kontuan hartu beharreko artisten artean kokatzen da. 2022ko martxoan ‘Zerua Orain’ estreinatu zuten, Ed Is Deadek ekoitzitako LPa, non 8 kantu biltzen diren -6 euskaraz eta 2 gaztelaniaz-. Lan horrek “sold out”-a ekarri zien, 24 ordu baino gutxiagoan, taldearen estreinako kontzerturako. Bide horren osagarri, 35 kontzertu baino gehiago eman zituzten Estatuan eta nazioartean, eta ordutik, taldearen hazkundea nabaria da. Aurten, Musika Bulegoa saria eskuratu dute eta MIN sarietan finalistak izan dira Euskarazko Disko Onenaren sarirako kategorian, besteak beste.  

Spotify zerrenda hau ikusteko cookie estatistikoak eta marketin-kookieak onartu behar dituzu. Cookie hauek onar ditzakezu botoi honetan klik eginez.

Euskal musikari buruz gehiago jakin nahi duzu? Deskargatu doan liburu hau.

Itzuli

Interesatuko zaizkizun beste artikulu batzuk

Musika

Basque. Playlist. #2: Ezpalak

Ezpalak 2019an sortu zen, 90eko rock musikan inspiratutako musika abentura berri batean murgiltzeko beste talde batzuetako lau musikarik indarrak batzea erabaki zutenean.

Alain Urrutia
Artea

Alain Urrutia, denboraren igarotzeari desafioa

Bilboko Guggenheim museoko horma batean 40 koadro txiki daude eskegita. Paisaia bat edo txolarre bat bezala, begirada bat, luma bat eta bisitaria bera islatzen duen ispilua daude parez pare, urrez jantzitako XIX. eta XX. mendeko marko borobil eta obalatuetan. Denboraren igaroa bera desafiatzen duen mosaiko hau sinatu duen artista Alain Urrutia da.