Basqueculture.eus euskara eta euskal kultura, artea, sormenari buruzko webgune ofiziala da. Gure kulturara hurbildu nahi dutenentzat leiho bat. Gure kulturaren protagonisten eskutik euskararen lurraldea ezagutzeko bide bat. Etxepare Euskal Institutuak sustatutako proiektua.
Gastronomia
Euskal Herriak gastronomia-esperientzia aberatsa eskaintzen du, txoko eta pintxo-tabernetatik hasita sagardotegi, bertako jaialdiak, Michelin izardun jatetxeak eta jatetxe tradizionaletaraino. Lurralde hau paradisua da janari onaren zaleentzat, non toki bakoitzak euskal kultura gastronomikoaren ikuspegi bakarra eskaintzen duen.
Musika
Pop eta rockaren figura historikoetatik hasi eta musikari gazteen belaunaldi apurtzaile eta bikainarekin buka, gero eta talde eta bakarlari gehiagok agortzen dituzte sarrerak areto handietan.
Hizkuntza
Etxepare Euskal Institututak kudeatzen duen Euskara Munduan programari esker dozenaka irakasle trebatu dira mundu osoan.
Euskal mitologia zinemaren bitartez kontatzen ari dira, eta horren adibide, ezinbesteko izenburu hauek: ´Errementari´, ´Akelarre´ edo´Irati´.
Artea
Urte berean jaio ziren, euskal kulturako figura ezinbestekoak dira, eta bide desberdinak egin zituzten. Jorge Oteizaren itzal luzearen pean, hona hemen bien historia, berreraikia.
Gizartea eta tradizioak
Itsasoz gaindiko frantziar lurralde horrek —Ternuaren hegoaldean dago—, euskaldunei, bretainiarrei eta normandiarrei omen egiten die bere banderan, izan ere, XVI. menderako iritsi baitziren inguru hartara.
Musika
Izaro, Olaia Inziarte eta Verde Prato, besteak beste, euskal pop berriaren norabidea finkatzen ari dira: joera berriak bultzatzen dituzte, beren lanen kalitateari eta sakontasunari uko egin gabe.
Basqueculture.eus ikus-entzunezkoak, musika, liburugintza, arte eszenikoak eta artearen sektorearen inguruko informazioa bilatzen duten profesionalentzako sarbidea ere bada, baita ondarearen eta hizkuntzaren esparruari buruzko informazioa eskuratzeko baliabidea ere. Webgune honen bidez alor horietako eragile nagusiekin harremanetan jar zaitezke.
Euskararen lurraldea, Euskal Herria izenez ezagun, Europako hegoaldean dago, Pirinioetako mendebaldean. Mendikatearen bi aldeetara hedatzen da, ibarrak eta lautadak zeharkatu eta Kantauri itsaso biziraino. Antzina-antzinakoa da bere historia, kultura berezi bat du, eta munduan berdinik ez duen hizkuntza bat. Euskal Herria anitza eta abegikorra da. Eta dena dago hurbil. Bere gizarte modernoak ondo jakin du garai bakoitzera moldatzen, eta era horretan lortu du Europaren aitzindaritzan kokatzea bizi-kalitateari eta giza garapen jasangarriari dagokienez.
Europako hizkuntza bizi zaharrena da euskara. Bere jatorriak misterio bat izaten jarraitzen du: ezezaguna da bere sorburua eta ez du ahaidetasun zuzenik beste hizkuntza batzuekin. Euskarak mendeetan iraun du bizirik, eta berari esker eutsi diote euskaldunek kultura propio eta jori bati. Nabarmentzekoa da bertsolaritzaren oraingo egoera bikaina, bere kemena eta entzute handia. Gaur egun, 900.000 euskara hiztun inguru daude, eta nabaritasuna hartu du hezkuntzaren, kulturaren eta gizartearen eremuan, baita mundu digitalean ere.
Erroak sustraituta dituen lurraldea da, eta berezitasunez jositako kultura baten jabe. Tradizioek, folkloreak eta mitologiak, hizkuntzarekin batera, leku gailen bat hartzen dute imajinario kolektiboan: iraganari begiratzeko balio izateaz gainera, etorkizunerantz proiektatzeko oinarria dira. Lurralde moderno bat da gaur egun, eta elkar hartuta bizi dira bertan tradizioa eta abangoardia.